SEO კრიზისიდან Google-ის ტოპ 3 პოზიციამდე

როდესაც შენი ბიზნესი თითქმის სრულად ეყრდნობა Google-ს, როგორც ლიდების მთავარ წყაროს, საძიებო სისტემაში ხილვადობის დაკარგვა მხოლოდ ტექნიკური პრობლემა აღარ არის, ეს პირდაპირი დარტყმაა შემოსავლებზე — თან განსაკუთრებით მაშინ, როცა საქმე ეხება ნიშურ ინდუსტრიას, სადაც ფეისბუქის ან სხვა პლატფორმების რეკლამა პრაქტიკულად არ მუშაობს.

სწორედ ასეთ სიტუაციაში აღმოჩნდა ჩვენი კლიენტი — B2B სეგმენტში მოქმედი კომპანია, რომელიც შრომის უსაფრთხოების სფეროში ბაზარს მაღალკვალიფიციურ საკონსულტაციო მომსახურებას სთავაზობს.

პირველი ნაბიჯი — პრობლემის იდენტიფიცირება

თავდაპირველად ჩავატარეთ დეტალური SEO აუდიტი, რომლის მიზანი იყო გაგვერკვია, რატომ არ ჩანდა კლიენტის სერვისის გვერდი იმ ქივორდზე, რომელიც მათთვის ლიდების მთავარი წყაროა. აღმოჩნდა, რომ გვერდს ჰქონდა გუგლის ე.წ. "პენალტი" — ძველი ტექნიკური შეცდომის შედეგად, სისტემა გვერდს არასწორად აფასებდა და საერთოდ არ აჩვენებდა მას საძიებო შედეგებში.

საინტერესო იყო ისიც, რომ ბლოგპოსტი, რომელიც თემატურად ნაკლებად რელევანტური იყო, მაინც ირანკებოდა SERP-ში, თუმცა მხოლოდ მე-3 გვერდზე, რაც ტრაფიკს პრაქტიკულად არ ქმნიდა.

ტექნიკური ჩარევა, რომელმაც ყველაფერი შეცვალა

პირველ რიგში, გადავხედეთ URL სტრუქტურას — სერვისის გვერდის მისამართი შევცვალეთ ისე, რომ ის მაქსიმალურად მიახლოებული ყოფილიყო მიზნობრივ საკვანძო თემასთან. პარალელურად, განახლდა მეტა სათაურები და მეტა აღწერები.

შემდეგ ეტაპზე განხორციელდა 301 Redirect — ძველი ბლოგპოსტი, რომელიც უკვე პოზიციონირდებოდა ძიებაში, გადამისამართდა სერვისის გვერდზე, რათა კონტენტის ავტორიტეტი სწორად გადანაწილებულიყო.

დავნერგეთ შიდა ლინკბილდინგის სტრატეგია: სხვა ბლოგებიდან, მათ შორის თემატურად ახლოს მდგომი სტატიებიდან, გაკეთდა შიდა გადალინკვა სერვისის გვერდზე. ასევე დავამატეთ მაღალი ხარისხის ერთი ბექლინკიც — თემატურად რელევანტური და სანდო წყაროდან.

Google-ის პირველი მწვანე შუქი

ტექნიკური ჩარევიდან რამდენიმე დღეში უკვე გამოჩნდა პირველი პოზიტიური სიგნალები. Google-მა დაიწყო გვერდის რეინდექსაცია. მალევე, სერვისის გვერდი პირველად გამოჩნდა საძიებო შედეგებში მე-10 პოზიციაზე. ეს იყო გარდამტეხი მომენტი: გვერდი, რომელიც მანამდე საერთოდ არ ჩანდა SERP-ში, 10xSEO-მ თამაშში დააბრუნა.

შედეგი: Top 3 პოზიცია 2 თვეში

ორი თვის თავზე გვერდმა სწორედ იმ სივრცეში დაიმკვიდრა ადგილი, სადაც მისი არსებობა ყველაზე მნიშვნელოვანია — მესამე პოზიციაზე, იმ ქივორდზე, რომელიც კლიენტისთვის ლიდების პირდაპირი გენერატორია.

ეს მხოლოდ დასაწყისია — სტრატეგია გათვლილია არა მხოლოდ პოზიციის შენარჩუნებაზე, არამედ მის გაუმჯობესებაზე. ჩვენი შემდეგი მიზანი უკვე განსაზღვრულია: პირველი პოზიცია იმ ქივორდზე, რომელიც კლიენტისთვის ყველაზე მაღალი კომერციული პოტენციალის მომტანი იქნება.